保險係咪智商稅? 🤔 其實真係睇你用咩角度去睇。 首先要明嘅係，保險本身唔會創造價值：只係收集一班人嘅錢, 再分配到當中某一啲人。保險本質上係一個負期望值嘅產品 (negative expected value)，因為過程中有損耗：保險公司要賺錢，仲要畀中介佣金同行政費。但係負期望值唔代表冇價值。買保險唔係為咗贏，而係為左唔好輸或者輸少啲。 但保險嘅原意係「對沖風險」(hedging)。你每年畀嘅保費，等於買咗個人生嘅看跌期權 (put option)，萬一發生咗啲大件事，起碼唔使自己揹起晒用自己錢嚟填窿。呢個就好似你買定份保險畀部車咁，唔係因為你想撞爛部車去claim錢，而係萬一真係有咩意外唔使自己上晒身。所以難聽啲講句，就係因為輸唔起先要買保險，反而真正有錢人係唔使買保險。。。 如果你一世都冇claim過保險，其實咁先係最好 - 因為即係你一直都好健康，好好彩！ Hope for the best; Prepare for the worst. 咁先係保險嘅初衷。 想知道邊啲保險值得買，邊啲係雞肋，仲有買保險嘅陷阱要點樣避？記得留意我下篇文章，到時會詳細同大家分析！👀