平時唔係好注重儀式感嘅男朋友，竟然準備咗一場超水準嘅生日慶祝俾我😭😭有冇人明幾感動 話說生日正日喺星期五要返工，原本打算星期六日一齊去澳門慶祝返，所以包咗車經港珠澳大橋出關。因為我搭長途車一定會頭暈，所以一上車就訓咗，一醒發現我地去咗機場，佢竟然訂咗機票同我去富國島！ 要同大家解釋吓點解會係富國島❕因為我之前同佢講過好羨慕10月1日生日嘅人可以睇煙花，1月10日生日嘅人年年超sad咁要考試溫書。所以佢諗到帶我去一個365日都會放煙花嘅地方，睇一場屬於我嘅煙花🥹❤️ 一check in知道去呢個地方，就即刻知道佢嘅用心 有冇人明成件事幾震撼同感動😭 呢個地方好推薦俾準備慶生、求婚嘅你！！！