月經Post。 話說半唐番由細就鍾意陪我行超市，有時我仲會叫佢自己入去買什麼什麼，媽咪在門口等你，佢都好享受呢種小小嘅成功感。 有一次同佢行超市，果陣佢大概7、8歲咁啦，咁啱我要買姨媽巾，咁我就順手放入架購物車度啦。當排隊俾錢嘅時候，佢就拎起包衛生巾…… 👦🏻：媽咪，呢包乜嘢嚟㗎？ 👩🏻‍🦱：衛生巾囉。 👦🏻：衛生巾用嚟做乜㗎？ 👩🏻‍🦱：女仔月經嚟時要用囉，唔用會整污條褲。 👦🏻：咁乜嘢係月經？ 我心諗，唉，呢一日終於都要嚟喇，不過我冇諗到要響大庭廣眾超級市場同佢上呢一課性教育囉。不過咁，話晒自己響醫療界別都做咗咁多年（雖然只係一個小小前台職員），對呢方便都有少少常識嘅。 咁我深深吸一口氣，然後開始解釋俾佢聽月經係點形成呀，大概一個月嚟一次，係正常生理現象，唔係病嚟嘅等等。 解釋完之後I was so proud of myself, 覺得自己完成咗一件好神聖嘅任務！簡直頭上有個光環咁呀！ 點知佢淨係講咗一句…… 👦🏻：So this will last you a year and a half, right? (因為我買咗包18片裝） 👩🏻‍🦱：🙅🏻‍♀️🙅🏻‍♀️🙅🏻‍♀️🤦🏻‍♀️🤦🏻‍♀️ 多倫多 多倫多 多倫多