話說 我曾經認識一位算命師 當時佢五十幾歲 一個人住喺太子。 我哋認識 係因為佢係我師父朋友。 唔同人追求唔同事 有人想要名利 所以成日曝光 有人想平穩過活 夠使夠用已經滿足。 佢屬於後者 平日飲下茶 種植物 算下命 求既 或者就係呢種安穩。 08年1月 襯農曆新年前 返嚟香港探下朋友。 有一日 因為佢嗰排行動不便 我直接上佢屋企探佢。 有睇我帖文 都知我好憎兩種煞 地盤同尖角。 佢屋企窗外對出 正正見到呢兩個煞。 「住咗3年幾，有事晨早死。」 「咁醫生點講呀？」 「壓住神經，所以腳痹。」 嗰次閒話幾句 亦係我同佢最後對話。 隔咗一星期 佢電話無聽 我諗住拎野上去比佢 樓下登記時 看更話佢失救走咗。 做玄學呢行 坦白講無咩洩露天機 報唔報應 如果有 仲會有大把人入行？ 大家只不過係凡人。 我無咩求 一個人無咩負擔 所以有人有事就去幫人 我無諗後果。 但發現 我只係Siri或套套 用完即棄 係我預期的 但係天職嗎 係我人生嗎？ 人生唔係苦 苦既係你試過甜 而失去味覺 有人話 魚被凌遲叫魚生 花被凌遲叫花生 人被凌遲叫人生 或者 人需要歷練 才懂得何謂人生