咁多OT都已經要考慮轉工 更何況無償OT🤯

搵到更好咪走囉

所有人一齊遞信

根據threads上有毒文化一定係唔係都叫人辭職分手同報驚 理性分析 1. 本身底薪足唔足夠令你OT得嚟條氣順嘅 2. 你嗰行係唔係default OT（例如做老師、iBank） 3. 夠唔夠錢去support 辭職又未搵到工嘅生活？ 4. 其他同事點解自願OT？ 有啲嘢做遲一日唔洗死但有啲嘢，尤其牽涉得越多parties就一定要準時交貨 公司唔請人係公司問題 我喺deadline之前做完我要做嘅嘢係我責任 如果樣嘢做唔完我會比第三方問責，唔通你話公司唔請人，人哋就會由得你遲交貨？ 何況人哋都可能比其他人問緊責 唔排除你同事會OT係工作狂，但我相信更多係因為今日唔OT難受都係自己 同埋單嘢係自己跟開為咗自己嘅reputation 唯有OT拆掂佢 忙到冇時間教新人真係唔好格硬請，到時做嘢又忙湊仔又忙仲難受 如果你好接受唔到regular OT咁就搵過一份 如果係行業常態就轉行 畢竟你話其他人係自願，咁冇得起革命就唯有自己走

仲做？

我公司見過OT得最勁個位，傳聞係純粹唔想返屋企對住老婆。

當年我就係咁，一team六個人，做嘅嘢係12-14人份量，積存嘅工作只有越黎越多，由800＞1000＞1200....我係Team Lead，朝早返工時阿仔未起身，放工返到去阿仔瞓咗覺，人地話觀塘好塞車我真係未遇過，好彩就夜晚12點放工，唔好彩就凌晨3點，第二朝未夠7點就返緊工。 最後我叫啲同事夠鐘收工，有乜嘢我揹飛，每朝大會講outstanding我咪照話唔夠人，由佢爆煲，再加上仲有另一個project一齊黎，最後搞唔掂，根本係唔可能嘅任務，我喺APAC大會上，叫個澳洲大佬自己過黎整，如果有佢講得咁簡單咁快做完某一樣嘢，機票食宿全部我出，嗰下已經豁咗出去，但嗰件事之後有加人（雖然係短期part time），而事過之後我都搵到工走咗。問返啲兄弟，最後都加到10個人，已經算好大進步。 總結係，香港人唔會團結，只會驚自己仲有無得做，份糧有無得出，唔似外國咁有工會，去抗爭，去據理力爭合理對待。當你都唔當自己係人，只係一個奴隸，你又憑乜嘢叫老細當你係人？

如果係project base /責任制既文職工既話，其實真係冇辦法。唯有自己衝量下份糧係咪多到你可以無償咁放棄私人時間囉。 我自己覺得啦，如果有50k, 同佢捱個10年8年都可以既。。。 如果得嗰1x-2x K，你又有條件走既話， 過埋個新年就快快手走人啦 不過就自己揀啱行頭先轉工啦

首先返工為左咩先？錢💰 若果公司薪資/花紅(確實有公司出十幾個月) 足夠令你心甘情願繼續做落去 請繼續 但聽你講budget唔夠只係硬食嘅話 勞資雙方都只係一買一賣關係 即佢搵到兩個8千蚊外勞都會炒個兩萬 你同公司捱生捱死捱夜唔會有回報(錢) 咁公司俾唔夠錢請人 請要佢自己受返

一直都係