可唔可以話個工人auntie太有責任感？💀 每晚都經歷同一個conversation：平時我煮飯auntie餵呀女食飯。我一路煮一路𥄫住佢哋食飯進度。見呀女開始玩，我就會第一次開口話差唔多可以停餵啦。Auntie好堅持要餵到最後一啖。 到我食飯時，有時8點半仲迫緊呀女食飯 我就忍唔到第二次開口話停餵啦，快啲沖埋涼比auntie食飯啦～😊或者有時我係會直接話我沖呀女得啦～成功放auntie走之後，佢就會開始瘋狂pingping panpan洗嘢，都唔去食飯。最近我頂唔順要幫手，一嚟pingpan聲好嘈，二嚟我真係好想佢都可以好地地食到餐飯。但佢成日okok我自己又洗鬼咗佢。 點解我咁執着個workflow呢，係因為當依個routine行咗成年，佢有一日就開始黑面，我問點解啦，佢話多嘢做。我講咗十膠幾次，湊呀女起居飲食我已經好多謝佢。講埋出口地唔洗日日拖，衫唔洗件件燙。佢都仲堅持做堅依啲事情。個廚房晚晚洗到10點半。。。。 有時我哋叫外賣，我望住個鐘心諗今次你仲唔可以10點去沖涼入房！佢都係照舊搞到11點幾😵‍💫然後隔一段時間又表現出「你班仆街啲嘢都係要我執手尾」嘅樣。