上個星期做完手術之後，係復甦房嘅時候，姑娘拍醒我之後一路覺得超級凍，震到全身肌肉抽搐，醫生行嚟同我講手術好成功，然後我用盡力捉住醫生隻手，我好凍好辛苦。。。 然後我聽到醫生話快啲比暖風，個人唔震先上房，然後我又暈左。。。 再醒已經係45分鐘後。。。 姑娘再叫醒我，我話無咁震但都係好凍，姑娘話咁我哋上房先，屋企人係出面等緊你。。。 嗰種凍係辛苦到嚇親自己，嗰一下我懷疑自己體溫係咪得幾度，定係佢哋放過我入雪櫃再拎番出嚟。。。