前幾日問左definition of love 自己9up下 今次講下伴侶間既「愛」 純愛戰士先吾講啲🔞既愛 Focus係單純兩者相愛 揾一個人拍拖吾難 但係要揾一個同你走一世既人 呢份愛吾係咁簡單 特別係呢個離婚率高企嘅世代 假設兩個人30歲結婚；80歲壽命 50年既時間 熱戀期可能到結婚嘅時候已經過咗 結婚頭5年可能各自為事業打拼 希望過上更好嘅生活 然後計劃組織家庭 盡力為下一代能過上最好嘅生活 呢個階段嘅愛當然就係責任、彼此依賴嘅階段 去到7-10年 日日如是 愛情當然嗰個都想保溫 但事實就係日子越來越難保溫 大家每日返工放工 湊小朋友 平淡而規律嘅生活 往往人會覺得乏味 成日聽啲人講7年之癢 就係咁嘅原因 就好似做gym咁 你點樣確保你仲係好似當初咁熱愛 久而久之你就會覺得悶 想抖下 放低下 所以當日子耐咗唯一可以令彼此保溫嘅方法 就係相處細節 例如儀式感 又或者係維繫彼此嘅嘢 例如小朋友 共同目標 所以要搵一個同你一齊走落去嘅伴侶 確實唔容易。 （留言續）