時隔咁耐，我終於睇左Godzilla: Minus One (G-1)。好感動啊，我喊左兩次。 呢套戲根本唔係怪獸電影，反而係一個故仔講一個人點樣應付失敗、PTSD、失落同絕望。 當一個失去太多野事，好多時候，好似無限之戰的雷神講個句，“What else can I lose"。有時一個人錯失太多野，覺得自己人生毫無意義，選擇左慢性自殺，開始不懂的自愛。 男主角係神風特攻隊軍人，雖然戰爭完，但係佢每晚都發同一個惡夢，令佢晚晚想起自己的失敗，好自責，好無生機，遇到愛佢嘅女仔都無勇氣表白。逃避唔到自己嘅陰影。佢甚至都懷疑自己唔應該係戰場生存。 難得有女仔肯同佢一齊生活，戰亂時，個女仔又執到一個女BB，雖然三人係無關係，但係好似一家人，個BB已經認定左佢兩個係爸爸媽媽。 點知Godzilla攻擊城市，女主角就咁再見了。個男人唯一嘅生存意義都滅埋，我完成感受到男主角的痛，所以流淚。女主角離開後導致個男人好有勇氣再次做神風特攻隊，想同Godzilla同歸於盡。 好彩有一班好戰友說服到佢，無做無謂嘅犧牲，要好好生存，結果男主角選擇救自己。 劇透：結果女主角無死到，呢幕我爆眼淚。