量緊血壓，個bedbound 阿婆突然問：「食飯未呀？」佢好似有啲腦退化。 我答：「未呀，四點幾咋，過多個零鐘開飯再叫你啦。」 婆：「我係問你食飯未呀。後生仔，着多件衫啦。」可能因為見到我着短袖。 嗚，嗰一刻心頭真係好暖。 「我咁大隻，你唔駛擔心喎。」 「都無我啲仔咁大隻。」 「好啦，量完喇。」我用兩張被包實阿婆唔好俾佢凍親。 「好耐都唔該晒你呀。」 雖然都有另外遇到西客發難，亦有遇過心地唔好嘅人嘅奚落嘲笑，但阿婆呢種單純真摯嘅問候（就算佢有腦退化都好），足以抵銷晒今日所有嘅不快。 每日都要（扮到）好tough 去工作去待人接物，如果突然有個人真心問：「你今日過得點樣呀？」，我相信我都會瞬間破防。 難得嘅係真心。