抗癌日誌（3） 在手術前，私家醫生要求我做埋MRI，而且手術係兩個專科醫生同時一齊幫我做手術，因此我在手術前，再見埋另外一個醫生，也去約埋做MRI，好記得，嗰幾日唔敢同兩個女講自己情況，因為佢哋當時都考過試，但係好清楚知道手術前，－定要話比佢地知，所以個心都好亂，唔知幾時講好，終於我哥哥打俾老公問我情況時，比兩個女聽到，大女聽到已經喊晒口，剛好我沖緊涼，出到嚟，老公已經同我打哂眼色，醜婦終須要見家翁，唯有硬着頭皮同兩個講自己有Cancer，過兩日要做手術，大女喊得更加利害，我當時就更加堅強，答應佢哋，我係唔會死架！我一定會冇事返屋企架！順便交帶佢地要好好照顧屋企幾隻貓，等我唔使擔心！手術前一晚，－家人出街食飯，因為知道之後有一排都要介口！兩個女亦都一晚成長咁，突然生性好多，令我可以安心去做手術！手術當日，－早去食埋早餐，之後老公就車我去醫院，去到醫院，姑娘幫我抽血，也幫我放大便，做啲簡單檢查！最後因為手術5點做，大約4點就比姑娘推落手術室