中女與癌💁🏻‍♀️重建篇 對於外置物定自體重建，我掙扎咗一後時間 自體就可以選腹肌或背肌，本人瘦底未生過小朋友，見到醫生show 俾我睇，如果用腹肌，條疤痕成尺長🥶我個人覺得如果背肌，我睇唔到條疤，就無咁在意(請原諒我的鴕鳥政策） 但我又驚如果另外一邊都復發，又用背肌，咁咪好多疤？ 而外置物，因為我本身cup 數唔大，最細既水袋都俾我原本大，所以另一邊都要加建先可以balance 醫生又提過一句可以預防性切除埋另一邊，咁就兩邊同時間做埋隆胸，我係有d 心動過既😂但諗諗下，但科技日日進步，轉頭過兩年同我癌症都會講食粒藥就好返，咁咪好唔抵🫠但因為我瘦啦，佢話有機會會有水波紋，初頭我都get 唔到咩叫水波紋，直到睇到台灣youtuber 崔咪無私分享 (連結會post 係留言)真係會係鎖骨低d嘅位置凹凹凸凸。。。之後要再入廠維修，我真係唔想為呢d 野再出入醫院 另外, 電療有機會出現會莢膜攣縮, 所以唔可以同一日手術做晒在乳房切除同時植入外置物，要先植入組織擴張器, 電療完左咗先再重建 所以就下定決心用背肌, 總算解決左一個難題😮‍💨 乳癌