絕對不是他走左，離開左就離開左。我要帶著他的好，他的優點，繼續好好活下去。 昨天想起同事L說的話。他對男朋友說，心中有光，唔使驚，跟住果一點光走下去。當時我地都唔識處理，淨係知道要同男朋友講我地想講嘅說話，無諗過佢要面對啲咩。好感恩L有黎，L嘅說話安慰到男朋友，都安慰到家人。我希望L嘅說話，俾到勇氣佢。L都同我講，雖然我同男朋友認識嘅時間唔長，但我地之間的相處很深，很真誠。很慶幸這幾年間我們有彼此。 男朋友，如果你望住呢件事發生，你一定會好心痛，喊住講對唔住，唔想我地咁唔開心。 但其實，可能呢個就係上天俾我地嘅課題。大家都要學習面對，失去最愛嘅人，以及面對最愛的人承受痛苦。 好痛，我靜靜地過就好，唔使俾咁多試練我。我只想享受歲月靜好的時光。