舊同事想搵我過檔幫手 而家呢份人工唔算高，兩萬中，環境/福利嗰啲都唔差，穩穩陣陣，至少準時收工冇乜workload，有時仲可以偷雞做下freelance，不過做嘢個flow同vibe好似唔係好夾，不過唔太介懷，長遠做幾年應該都冇乜問題 如果過檔呢人工會高啲啲，地區就會變咗工廠區，地方會細勁多，同忙咗，大假一樣，不過冇birthday leave個啲，同埋間公司係start up所以有好多不穩定性，不過因為係舊同事嘅關係，大概知道佢做嘢嘅模式，應該會夾啲同會開心啲 其實兩邊都有利有弊，所以有啲唔知點好咁。。。