心理輔導的好處 2024年的一個小小成就，就係完成咗呢個心理輔導課程。最初報讀嘅原因係發現自己鐘意同人傾偈，又發現好多人原來都需要一個樹窿去傾訴心事，所以想學習基本心理輔導技巧，希望做一個更好的樹窿。 意了之外嘅得着係，係呢個課程入面，我了解自己更多，有更多自我反省及覺悟。對之前執着的事情學會慢慢放下，把精神時間放係對自己更有益更正面的事情上。 亦了解到要有效與別人溝通同建立關係，一定要不帶假設，批判同個人意願地聆聽別人嘅說話。我不斷提醒自己要用呢個方式與逃避型另一半去溝通，效果真係有好大改善。我自己情緒平穩了很多，對方亦因為覺得我理解佢嘅感受，願意分享同討論問題。 2025年我會繼續進修，希望自己心靈更健康，亦希望幫到更多人。