[唔想公開名] 話說前幾日去剪頭髮加染單色 呢個髮型師兩三年前都有搵過佢漂全頭 效果都幾好嘅 咁今次再搵佢啦 點知好似得罪左佢🥲全程黑口黑面 可能係佢冇表情啦 但係態度好差 ✂️: 你個頭自己染咖? 一撻撻嘅 我: 唔係啊係出面染咖 (心諗你唔講我都唔知 我都唔想咖) ✂️: 咁你有染過淺色? 我: 冇啊呢兩年都係染深色 三年前有漂過全頭 係你幫我漂嘅 ✂️: (再望左我個頭幾下 就細細聲同佢隔離個助手講)咁唔關我事啦 我苦笑左一下 心諗咩事 我都冇話關你事 . 好啦 咁染頭髮啦 我見佢親自落手幫我染嘅 冇事嘅 出到嚟都係我想要嘅色 . 到剪頭髮啦 佢都剪得幾快😂😂不過佢剪完都唔知佢係剪完 佢問左’ok?’就走左去廁所 之後就行開左 我就繼續坐左係到😂我最尾都係忍唔住叫佢收個下陰 最尾佢就冇set頭個啲 吹乾左就算 . 咁我走之前就去個廁所 一照鏡先發現我件衫都有染到🫠我即刻行出去問個staff洗唔洗得甩 個髮型師望左我一眼就繼續做佢做緊嘅野 個staff最尾幫我噴左啲野我就走左 佢一句唔好意思都冇講過 byebye就更加冇啦🫠 . 好好彩返到屋企件衫係洗得甩嘅😮‍💨