職場人物圖鑑 #2 Micromanager 白羊座♈️ - 2 Log sheet呢樣野開頭係一星期一次 後來白羊座♈️嫌我地寫得太簡短 變左要求我地每日收工前交 要詳細寫番自己每個鐘做左啲咩 結果為左寫到♈️所講詳細既log sheet 不過即使我地好詳細咁寫自己做左啲咩 ♈️都有好多野唔滿意 例如有時啲野要等第二個部門回覆先做到 咁同一個task就會係唔同時段出現 佢就會話我地拖慢啲野黎做 又例如有時有幾個task同時進行 佢又會話我地樣樣都掂啲 唔夠專心 總之做咩寫咩都唔岩 過左無耐 ♈️變本加厲 Email交log sheet都唔夠 進化到要我地每日收工前 排隊入房匯報張log sheet 咁入得去 姐係無得準時收工啦🤦🏻‍♀️ 個段時間真係全team都叫苦連天 好彩既係之後♈️比人炒左 唔好彩既係♈️走左之後情況無改善好多😅 下集繼續