其實點樣分辨一間設計公司係咪伏？ 話就話做設計係講求夢想講求整靚嘢 但係都一定要求職時眼明手快保障自己唔好入大閪公司： 1. ig一直pin住hiring :多數伏！ 2. jobsdb長期時不時就見到佢哋請人: 多數伏！ 3. 見工/請人po 0提及醫療福利或bonus :伏！ 4. 颱風極端天氣係下晝/傍晚前落波就要求衝翻公司翻工 無得wfh等彈性處理 :伏！ 5. 有薪病假或者年假日數唔符合勞工法例 :伏！ 道理相信都好易明 如果一間設計公司不停請人 尤其係細公司 就要留意下點解佢流失率咁高 **無一個人會想離開一間好公司而周圍奔波去搵下一份工** 例如如果一間十人公司 一年走咗7～8個員工 最好就同旁敲側擊了解一下流失嘅原因 平衡埋利弊先考慮接受offer 另外！ 好多人會覺得做設計唔多包醫療福利或bonus係理所當然（因大多設計公司規模較細） 但係其實依啲係坊間大多*正常員工*應有嘅福利 出面都有唔少大啲嘅設計公司/inhouse會提供相關福利 做設計話就話做狗 但係人養狗都會關心狗仔會唔會過勞 適時比甜頭 公司門面功夫都唔關心嘅狗慘過地底泥 但望各設計狗自愛！