講返貼士個話題，我地啲團一向包晒貼士，所以團友可以隨意俾唔俾都得，但無關金額多少，形式真係好緊要： 試過有人送對Smartwool羊毛襪，有心意又實用，好開心 試過有人俾封利是仔，入面可能得100HKD，但心意嘅野，係開心嘅 試過有人一個仙都無俾，但真心感受到佢玩得開心，同埋都好多謝我地領隊嘅安排照顧，所以我地都會好開心 其實我咁多個團，八成人係唔會俾貼士，如果因為貼士少而唔開心，我應該會成日都唔開心，但實情係我地重視客人嘅尊重，多過金額數量 8蚊貼士個Case，佢要俾82蚊作為佢自費飲食開支，但佢加左句「俾多10%（8蚊）當係貼士」，先令人覺得好不受尊重 如果佢完全唔提「10%當係貼士」，而係「齊頭90蚊」，咁係完全無問題，一路上大家都玩得開心，個客都幾nice，又成日好感謝我地幫手，但真係咁樣8蚊，好似將佢本來對領隊嘅感謝，量化成為只值8蚊 P.s個客話Payme俾我，我話payme82蚊得啦，結果佢真係payme左82蚊俾我😇