(1/) 年尾定咗個虛無嘅目標，就係想今年睇返多啲書（冇數2024睇咗幾多，可能～廿本？），主因都係覺得種不安仍然揮之不去，或者更準確再次浮現。如果有啲咩可以稍為削減呢種情緒，唯有打出嚟，所以又會好快咁go through YTD睇咗嘅書。 《隱性潛能》 依家買書方向更加偏重個人成長／productivity一類嘅書，畢竟歷史書消耗嘅能量太大。只係讀相關書時經常覺得只係survivor bias，將幾個成功人物串連返自己套框架，不過整體嚟講呢本書講嘅我諗都「係個類嘢」，基本上唔會錯，執唔執行到就睇慧根。 追求不適感：都好直白，就係要接受必然會柒呢回事，要有勇氣喺冇確定性嘅環境下行動，先可以最快成長。自問係stereotypical嘅香港人，即使相對唔知醜但好多area特別係對識而唔熟嘅人，唔敢衝出嚟呢樣就經常發生，比較習慣呢種感覺嘅地方可能只有喺尖，當然可能因為佢已經唔係我「唔熟悉」，又或者我單純覺得尖係同自己比而唔使理任何人，唔存在會俾人覺得柒呢回事。