呢排網上睇到，亦喺吾同渠道都聽到，尤其好多堪輿學家都預計今年東北會有大災難或者大劫發生，即係去日本韓國呢啲地方會有危險，建議今年吾好去 其實，人算不如天算，要嚟嘅始終要嚟，係你嘅就係你，冇得避 所以，忠於自己，想做就做，想去就去，命運嘅嘢交俾天決定啦 講起日韓，其實自己喺呢兩國嘅旅遊經驗真係少得可憐，說來慚愧，一隻手掌數得哂，只有五次，兩次沖繩一次九洲兩次首爾：沖繩純粹sell陽光海灘海岸線，玩過潛水浮潛睇水族館萬座毛住靚Resort酒店；九洲去過阿蘇火山黑川溫泉由布院別府地獄，城市福岡熊本繁榮度普普通通，不過不失；首爾則一次夏天一次冬天，幾乎只留市區食嘢同購物，亦有去過滑雪。 當朋友同事間傾開日本或韓國旅遊話題時我好多時都知識貧乏搭吾到嘴，因為連最熱門嘅日本本島區域例如東京大阪京都名古屋我都未曾去過。佢哋去完返嚟都大讚日本點好點正，五光十色，令佢哋流連忘返，一去再去。無奈我仲未感受到呢個地方嘅真正魅力同威力 總有一日會去嘅，我會相當期待