成日都聽人講話係感情方面要寧缺勿濫 但我有時會覺得 如果唔濫下 都唔知自己想要啲乜 我就係經歷過咁多段toxic嘅關係先認識到更多嘅自己 原來我接受唔到有性無愛 接受唔到做第三者 我比我想像中更有原則 無想像中咁隨便 原來我好鍾意攬攬 好鍾意打茄輪 （ps 1米8大隻仔係最好攬的😋） 我鍾意慢慢嚟嘅戀愛 速食唔啱我 我亦都體會到心痛嘅感覺 痛到食唔到飯 瞓唔到覺 然後再去慢慢搵返自己 學識處理每一次嘅分離 同時知道身邊嘅朋友家人都好愛我 知道我並不是一個人 所以話 寧缺勿濫同寧濫勿缺 沒有對錯之分 只有自己選擇的區別