呢一年𥚃三日一小吵，五日一大吵！我知道再咁落去，自己好快Cancer復發，佢永遠覺得我無理取鬧！我對住佢亦好大壓力！因為佢一日到黑都會EE哦哦！例如，1）佢揸車接我，佢會要我到佢講好嘅位置等佢，而唔可以佢到咗，我仲未到！如果唔係佢就EE 哦哦 2）去旅行我揀咗左邊訓，就唔好坐咗去佢嘅右邊，講緊嘅係沖完涼上床坐咗佢嗰邊都唔得！3）我放工要煮餸，佢負責洗碗，但十次有九次佢都會一路洗一路EE哦哦！我已經由以前用好多碗，佢鬧我用咁多，到而家係自己煮完洗返乾淨用過嘅嘢，佢都仲係會有嘢EE哦哦！4）我上年手術後，身體未復原，但去旅行行太多路好攰，想借佢小小力支撐下，佢會即刻彈開話佢都好攰，又會EE哦哦我！5）坐車想訓下，借佢膊頭挨下，佢又會即刻縮開，話佢都好攰，又會EE哦哦我！6）屋企有好多水杯，佢又買咗幾隻，但我飲水，隨便拎一隻，佢會EE哦哦我好拎佢啲杯嚟用！7）佢揸車，所有要買嘢，都係我落車去買，去拎，佢永遠會話抄牌你比呀！就只會揸車，我做跑腿！