⚠️荃灣區女仔要小心呢個變態‼️‼️真心恐怖🫠 事發經過： 今晚同男朋友食完嘢之後去咗如心廣場嘅松本清行，然後我睇完化妝品一轉身見到呢個男人坐係地下，男朋友已經即刻企係我後面擋住佢，見到咁怪就即刻離開啦，向荃新天地方向行，點知佢一直跟著我哋，咁我哋就加快腳步，去咗UNIQLO諗住兜甩佢，但佢都係跟實我哋，然後諗住快步行去沙咀道球場call Uber，拉開一段距離就影咗下面呢張相，擦身而過後佢入咗去球場門口，冇計就返返去商場，點知上到天橋就見到佢沖紅燈跑去我哋啱啱上天橋嘅lift，最後去咗間熟悉嘅鋪頭匿埋，男朋友係出面報警🫠🫠 轉身見到佢坐係地下真係嚇死我，諗住天氣回暖返少少又拍拖著靚啲，就著咗短裙，都唔算短又有著打底褲，但著短裙都唔係你可以咁樣昅咁樣跟蹤嘅理由lo，仲要男朋友係身邊都跟到咁，如果唔係度真係唔知會發生咩，真係痴線💀💀 呢個世界變態無懶真係好多，大家真係要好好保護自己，男仔女仔都係啊🥹🙏🏻 荃灣 荃灣 荃灣 荃灣 荃灣 荃灣