2025渣打全馬紀錄（一） 跑過名古屋女子同東京馬後，腦海浮現「我係香港人，又跑步，點都要跑一次渣馬」 呢個初心去到12月、1月好後悔😂 自己功課做得唔好、斜路課又好辛苦、自身pat pat連坐都痛又停過練習，中期考試港珠半馬跑得好辛苦，勉強PB上年港珠時間…. 剩返一個月時間，再睇渣馬攀升圖表，6k上斜！呢個魔鬼賽道，我要打破上次357肯定好困難，算了，唔好諗sub4，完成就好，配速帶都準備415⋯ 比賽天，無預期咁凍，但安檢、寄行李、等廁所用了好多時間，上線都係啱啱好，都冇得再走前d了，下次應該要用1.5hrs 開跑，個腦諗住教練講，輕鬆跑、走長課、之後一齊食早餐，其他嘢唔好諗，有幸同kin一直拍住跑，輕鬆到昂船州大橋，本身好緊張，「死啦，上斜」但係跑下跑下又冇想像中咁斜，天氣清涼真係幫咗個大忙，單向去還好，但走到青馬、汀九，見到對面線，即係比你快一大截嘅人，心情會變得有啲壓力，「見到xx同xx」「佢哋咁快嘅？」個人會亂咗少少，又要同自己講，只求完成，唔好理人 渣打馬拉松 屯門班 全馬