好犀利呀，第一次就跑到全馬！ 我係2003年第一次喺MBA班同學仔鼓勵之下報名10K，當年係我人生最低潮嘅一年。同學仔知道我報左名，個個都好興奮（同學仔都係30歲以下，我就已經46歲），有兩位同學仔專門跟我呢個0跑步經驗嘅老人家嘅training，陪我跑圈，跑全程，一直俾我鼓勵。 落場當日大家一齊起步，陪我跑到西隧口，然後我哦叫佢哋係終點等我。當年10K都有得跑西隧，好吃力，真係想放棄，不過身邊嘅跑手有比到我堅持嘅意志，加上要係終點同班同學仔見面，所以都撐埋個路程，以全版最慢嘅時間（1小時6分鐘）到達終點，坐緊喺度休息嘅同學仔全體起身鼓掌，真係好感動。跑完之後心理上已經走出陰霾，三個月後走上回復之路。 由2003年到依家，跑過8次10K，6次半馬，3次全馬，有兩次DNF不過都叫做跑完，近年都係半馬DNF，唔太失望，因為都叫做有參與，有完成，有得柃個完賽拍去同人吹水，仲同贊助嘅慈善團體籌到善款，好開心咖啦。 出年都會在落場，希望可以顯示無傷完賽啦。