❄️15/2，我嘅新單曲《沒有你的雪天》將會喺各大平台上架 。 原來我上一首作品已經係2023年嘅事。 喺呢兩年嘅生活入面，我慢慢明白到生活可以同時面對好多事情，包括你嘅帳單、你的工作、你嘅屋企人、興趣、夢想，到你自己 ，而亦需要容許自己去應對唔同嘅挑戰。最重要嘅係，學識將「我」放低，將好多嘅執著同框架放下，容許變化發生，因為變幻才是永恆。 創作就好似一場與自己嘅對抗，總會有好多卡關位，但每完成一首歌，對我嚟講都係一次勝利。將“無”化作“有”嘅過程往往充滿奇妙，但同時亦帶嚟焦慮同掙扎，而呢份壓力，反而慢慢成為咗推動我向前嘅養份。 Busy living, busy loving。喺多面向嘅生活中搵到平衡同意義，似乎比一切更為重要。呢段時間遇到嘅人同經歷俾咗我好多啟發，令我喺音樂入面記錄同整理咗唔少感受同故事。不論係一個人，或者係一班人，呢個過程喺創作上比咗我一啲新嘅睇法，亦令我更加珍惜創作本身嘅意義。 接下來，繼續keep busy living and busy loving 。 流量密碼在哪裡