有個講法係當人成為父母之後，就會真正明白父母嘅苦心。我暫時嘅領悟好似啱啱相反。 琴晚同個仔玩小籃球，個波碌走咗我就去執，佢就好開心咁一路大笑一路跟住我。可惜我停低執起個波準備轉身嘅時候佢停唔切，撞咗落我度就跌低咗。 雖然佢係向後跌，好彩佢係先坐咗喺 度再失平衡向後瞓，不過都嘭一聲撞到個頭後面。 扶佢起身之後佢大概呆咗兩秒就開始大喊，又出汗又流眼淚，應該好痛。佢嘅喊聲大到我同佢講咩佢都聽唔到，但係我同老婆攬住佢一人錫佢一啖就馬上唔再喊。 我先至發現，原來我哋對佢嘅愛佢真係感受到，原來父母嘅愛係可以俾到咁大嘅安慰孩子。 我先至發現，原來我一直咁缺乏愛。 老豆病