去完地圖展 好想分享: 1.好中意以前文字仲係好直白, 「垃圾碼頭」就已經知佢係做乜. 如果係宜家, 一定叫「港島北市區廢物轉運中心」 🙂‍↕️ 2.好多年前，地圖已經話堅尼地城有劏房！不過唔係宜家呢種, 係屠房 仲有牛房 3.宜家恒生銀行總行個位, 以前叫「滅火局大廈」 個名好型, 有冇人知係咩嚟？ 4.宜家揸的士成日去茶果嶺中石化入氣, 原來以前嗰度連埋麗港城係Shell嘅地頭 😂 5. 以前會有人形容香港係東方巴黎, 仲話遊客覺得係”most fascinating place.” 唔知宜家仲係咪呢 ? 👀 6.好難想像 宜家喺東大街買pancake舖頭側邊, 以前就有個碼頭 仲要去到將軍澳, 鯉魚門, 牛頭角🤯 7.細個以為「鵝頸橋」係講緊宜家日日塞車嘅堅拿道天橋. 但原來當嗰度仲係條河嘅時候, 已經有「鵝頸橋」呢名 8.原來以前M記仍然唔係周圍都有嘅年代, 銅鑼灣有兩間. 一間同宜家一樣, 另外一間就喺宜家希慎個位 9.想像唔到 當石硤尾叫新區嘅年代, 又一城, CityU, 乜都未有,仲係山區 達之路得半條, 同龍翔道之間只有樹 有機會再share