想識多啲喺英國嘅文青傾下設計啊，睇下戲，聽下音樂。 我覺得圍爐係柒的，唔係打飛機群，但係group番班同聲同氣嘅，一齊做d project，或者支持其他人嘅project，再sell 班鬼佬/融入鬼佬都易啲行！ 飲食文化就落地開花啦！ 但係香港文化唔淨係得咁少。 我哋香港嘅流行音樂其實係難架咁多chord , 轉到啲鬼佬頭都暈啦。 建築都大把正嘢㗎，最近有個攝影師影咗好多喺天台籃球場，四百幾個喎夠黐線啦！仲有唐樓 水磨石其實好正，值得記得嘅嘢唔係嗰啲咩金融大樓啊！ 唔講霓虹燈啦，玩到爛晒，招牌嘅設計，配色，嗰種高飽和度撞出嚟嘅立體感，狹小空間嘅善用，邊度都唔過時，唔係點解啲鬼佬睇九龍城寨睇到拍晒手？ 電影就唔使講啦！呢兩年我哋呢個市場規模同埋成本拍都咁多敘事手法唔錯，觀眾又能夠共情嘅電影！ 其實啲嘢拍得越本土先越有意義！ 上流奇生族住地下室哩件事係好韓國，但係個窮人唔可以流動同貧富懸殊係全世界人都可以共情！ 拋磚引玉，講住咁多先！ 入嚟傾囉！