心情仍然複雜，會諗好多如果嘅問題，唔多唔少都有埋怨自己嘅時間，感覺好不好受。 其實心裏面係知道如果我選擇繼續完成時間未必會好差，可能會執到個銅人，時間可能比上一年好少少，上年由水浪窩上彎曲山用一個鐘，今年仲有700米先上到彎曲山，我已經用咗兩個鐘。 意志力嗰一刻真係好薄弱，抽咗六十幾公里，令到我個人意志好消沉、好灰。令我好討厭個山，亦都好討厭喺山上面嗰種無助感。嗰一刻意志力薄弱咗少少。。。淨係好想即刻返屋企沖涼瞓覺。 幾日前抽咗CCC我真係好開心，好多人嘅夢想，但係而家我好抗拒再操山，我唔知應唔應該去撳確認嗰個掣，我好驚喺山上面再抽筋呢種感覺。 今日IG好多朋友同我講返睇到我喺山上面痛到企咗喺度痛到喊嘅樣，百般滋味在心頭。 今日去終點攞返啲行李，撞到一啲同我差唔多時間一齊行咗一段路嘅師兄亦都見到一啲喺我後面，我返轉頭去水浪窩見到嘅山友，前前後後同我睇到自己嘅狀況估計到終點嘅時間差唔多。大概24-26個鐘，已經心力交瘁，唔想再理會究竟自己係咩時間，淨係好想即刻搭的士返屋企沖涼瞓覺。 #hk100 #覺得自己好廢