組別亞軍 又嚟#throwbackyesterday 先，先嚟上晝篇🤗。 尋日就忙囉，跑2場（我未試過🤣，成就解鎖一下🔓）！一朝早去咗參加老公公司嘅長跑比賽🏃🏻‍♀️，跑家屬及朋友組別。雖說長跑，但距離只係3.38k左右，比我參加開嘅比賽都短。我好少跑咁短嘅比賽，一來報名費相同嘅話，短距離好似冇咁抵🤣，二來短先至辛苦🫣，因為越短速度就要越快，好索氣㗎呢😮‍💨～ 比賽呢條路，我行過，不過未跑過，印象中只記得佢九曲十三彎。睇高度圖見到有斜路，但有幾斜我就冇印象。 唔係好夠時間熱身就要開跑，所以頭1k都跑得幾辛苦，跑到手腳痺。斜路好平緩，冇乜嘢，相比起斜路，呢條路彎位多而且要一路避人先係更大嘅難題。好彩前面一路都有個Dee Dee做我電兔，一路扯晒蝦吊住佢尾唔俾佢放甩，到衝線嗰刻，我直頭覺得喉嚨有陣血腥味🩸，疑似乾得滯扯損咗嘅感覺，不過抖番順條氣之後又冇乜事，好彩啫😮‍💨。 官方chip time 16:25，拎到組別女子第2👏🏼！係開心嘅✌🏼😁！（話說我18、19年揹水一戰拎過獎之後，就未再拎過獎啦🤣） 感冒未清，跑完之後個鼻又壞咗，不斷咁打乞嗤🤧，嗱嗱聲番屋企食包黃色粉，晏晝仲要繼續上堂。