夜晚煮飯，開包新米，吾小心倒瀉咗一大堆米喺地，目測倒瀉咗嘅米估計應該可以俾我煮到十碗飯左右 當時，我用咗大約十秒嘅時間去諗，我係咪要返呢啲米呢？當然最後我係無要嘅，好無奈咁將佢哋慢慢掃慢慢逐粒執返哂落垃圾桶度 嘥咗咁多米，真係好「折墮」 細個時屋企人教我，食飯就要食哂，一粒飯都吾好浪費，吾可以無衣食，否則好「折墮」。所以我由細到大都盡量食哂自己嗰碗自己嗰碟，剩返一粒飯都要𢳂埋黎食；另一半食吾哂會俾我食埋；同朋友同事出去食飯食吾哂我盡量都幫手「清枱」處理哂佢 近幾年身體差咗，腸胃吾得，醫生叫我吾好食太多，食吾到就停，吾好夾硬食。所以呢幾年我出去食飯都經常食吾哂，經常「折墮」。最近我都要習慣下當出去食就要帶多個吉盒，食吾哂嘅嘢可以放入盒，拎返屋企留俾自己下一餐再食，吾想再負「折墮」嘅罪名