教咗26年中學，親身經歷334由諮詢、拍版、實行的過程，其實我當年都反對轉制，皆因唔係所有學生都適合讀到上Matriculation level，而334宣傳時，強調「讀得深咗，更多學生得益」呢個論調，根本係過份理想。 卒之，教咗十幾年DSE，終於睇到個問題浮現，有一大班中六學生，連會考水平都未有，就要去考呢個比會考深嘅考試，最後授課時間嚴重不足，都係被逼要變返填鴨式谷考試成績。