終於可以彈到一次手風琴，想咗好多年，終於玩到，好興奮啊🥰 原來係重到咁，要好大力拉才能發聲，好似做gym 咁，我覺得好難控制，主要係太花力量，所以覺得好難。 因為太花體力，我一定學唔到喇。 回想返，原來我以前學過幾種樂器，除咗鋼琴同埋單簧管叫做上到手，其餘都係無進展就頹放棄咗。 1）琵琶： 大學take course 為儲夠學分，又不用考試，以前小學想學但學唔到，所以學咗一個學期，現在忘記所有。 2）打鼓：當年覺得型，學咗1年，跟住d 歌打下，叫做做到咗自己個目標。後來做嘢好忙，個肩頸好攰好勞損，所以無學。不過覺得好好玩，同埋發現自己數拍子其實唔準😆 3）結他：因為中學時有2個同學成日自彈自唱覺得好型，所以學。後來都係做到咗「自彈自唱個目標」，就完咗。其實第二堂已經做到，😅因為學幾個chord 真係好易。然後練習3級古典結他，當時想考3 級，但係功課太忙放棄咗，然後就冇曬興趣了。 至於其他樂器，都係玩過1、2次： 長笛、小提琴叫做吹到/ 拉過半首歌就完咗。仲有玩過saxophone, harp, euphonium，tuba, cello etc，無興趣😆。