20250120 值日編輯：普路托斯 特朗普今日宣誓做總統 邊隻概念股最有火？ 我揀咗以下 10 隻成日睇嘅 Trump Trade 美股嚟比較： 1. 特朗普隻社媒股 DJT 2. 身邊紅人 TSLA 3. 幣圈代表 COIN 4. 近排接咗好多政府 job 嘅 PLTR 5-10. Magnificent 7 剩返嗰六隻 AAPL, AMZN, GOOGL, META, MSFT, NVDA 由特朗普 11 月 6 日勝選到今日就職，期間上面邊隻最炒得起？登登登櫈！就係「馬總統」嘅 Tesla！期間由288.53美元升到426.5美元，升咗 47.8%！排第二係 AI 股 PLTR，都升咗 29.2%；第三係升咗 16.2% 嘅 COIN；反而特朗普旗下隻 DJT 都只係升 11.3% 排第四。跟住就係嗰堆科技巨頭，普遍都有得升 2 至 11%，唯獨係隻 NVDA 唔爭氣，期內竟然跌超過半成！ 拋磚引玉，大家仲發現有邊啲 Trump Trade 美股升勢勁？分享下！嚟緊特朗普第二個任期，佢哋個個係咪真係可以順風順水、一帆風順？