紀錄昔日同奶奶住在一起的激氣事（3） 結左婚之後，奶奶問我有咩敏感唔食得 我話有殼海鮮同埋牛奶忌廉，牛同炸物盡量唔食 果刻喺心入面好感恩奶奶會care我 不過唔知係老人家無記性定係當初只係客套先咁問，發現煮飯無特登就我 有時碟碟都係炸物，得碟菜無乜問題 佢話食少少唔怕既，咁我心諗食一次半次都唔緊要，始終人地阿媽煮埋飯我食，我無謂要求咁多 但有次我裝緊湯，見啲湯傑傑地奶奶地咁 問奶奶啲湯係咪忌廉，我奶奶話唔係 我老公唔知點解突然覺得唔對路 佢搞一搞啲湯就問佢阿媽：真係無忌廉咩？咁樣架喎 奶奶：係呀，有落忌廉呀 我：….（唔裝自己果碗） 又有好多次，佢煮蝦、鮑魚，開飯時叫我食 我每次都話有殼海鮮唔食得 佢又話食少少唔緊要啦 我都係無食，因為以前有陰影 真係怕出事 而家搬左出黎 可以唔使睇人面色 壓力都無咁大 又唔驚幾時不知情食左唔應該食既野