繼續素人foodies 真實食評✨️ 今日大角咀工作午飯時間，諗左好耐唔知食乜，行過門口俾佢價錢震驚左，一於試下。 我叫左滷水三寶然後加15蚊要埋沙薑雞，個份量真係震驚我加凍飲都係加多三蚊。 鵝腸爽身入味唔錯， 鵝肝就爭少少喇，聽到隔離枱阿叔都話今日唔係幾靚喎，鵝片都夠入味，唔會有騷味， 但係個皮偏肥多肥膏。 沙薑雞味道非常夠個肉都嫩， 係嫌佢哋嘅雞同埋鵝片切得太薄好多碎骨。 然後佢地個辣椒油，好食！香而不會太過辣啊✨️ 埋單就91蚊，飽到癲，我實在叫太多🤪 王朝潮順館 大角咀大全街42-44號