急症室有分流制度，好多人都知；其實手術室都係類似做法。 🟢 排期手術（Elective）：通常係各科醫生喺門診時一早book落的手術，例如割痔瘡、膝關節換骹、癌症手術等等，有時亦會加插住院病人的手術。 排期手術安排喺星期一至五，8:30 - 17:00 做。當然會有超時情況出現，所以 論麻醉科醫生的怨念 應運而生。🙈 / 🔴 急症手術（Emergency surgery) ：全天候24小時運作，再細分唔同類別（Category，簡稱Cat A / B / C) 決定先後次序。 每間公立醫院用嘅字眼唔同，意思大同小異： 🟥 A1: 最急嘅類別，目標係由book症到送入手術室喺一小時以內做到。例子有Major trauma （經常係急症室照完CT，直上手術室）、腦爆血管、氣道受阻、好急的剖腹生仔等危害生命安全的情況。 🟥 A2: 緊急但無A1咁急（廢話），例如有敗血症風險的穿胃 / 穿腸（有時會book A1)、膽囊炎、䦨尾炎，傷及血管的骨折等。 留言續。