其實喺拍攝當日係有感覺到跟平時有啲唔同，但又講唔出，後嚟睇返啲訪問，就知道點形容嗰種感覺：生活感嘅拍攝手法，戲裏戲外都同樣感受到。仲記得當時接通告，我淨係知要做一個證婚人，但係就無收到劇本對白，咁我就上網睇一睇一個證婚人大概要講嘅嘢打個底。到拍攝當日，去到現場，同劇組打個招呼，我問我有冇嘢需要講，佢哋好似傾咗一陣，就出咗段對白比我，要我即場背，通常呢啲情況，我都會好緊張，越背越唔記得，但我當日竟然好快就背好咗，拍嘅時候無甩過(雖然最後只係出咗一個無對白嘅Shot，你講乜都得㗎啦😂），我覺得好大原因係當時嘅拍攝氛圍令我好放鬆，我就係真係幫緊阮生阮太做證婚，後面就係一班婚禮攝影師。我相信亦都係因為咁，導演同製作團隊先可以拍到一部咁不一樣，咁生活化而又好看嘅電影～