人生就係失去 嗰年公公患上肺癌，癌細胞擴散到骨頭， 佢痛得死去活來⋯⋯仲記得佢話： 「真係好痛，痛到我想自殺」但佢話佢要忍， 因為如果一個屋企有人自殺離開， 呢個屋企永遠都唔會開心、會俾人睇唔起。 又撐咗一年，佢終於都離開咗我哋嘅。 最錫我嘅二舅父最最孝順， 眼見公公咁痛苦，佢同我講： 「我寧願嗰個係我呀！」 一語成讖，同一年佢確診肺癌末期， 而且好快就擴散到骨。 生命在倒數，醫生建議將佢送到療養院， 我每日放學就喺觀塘坐小巴去探佢， 天氣好凍，條路好靜好黑， 兩旁放滿聖誕花。 喺佢生命最後一日，我陪住佢， 佢叫我唸主禱文俾佢聽、叫我計數俾佢睇， 最後叫我照顧婆婆就走了 好掛住你哋 鋼鐵是這樣煉成的