見到唔少人討論頒獎禮賽果，我都參與下先。其實作為 楊怡 (楊茜堯） 既骨灰fans (自從《賭場風雲》既譚珠美開始)，當時12月睇過呢段訪問之後，就已經打定嗰底覺得佢係有機會大熱倒灶。始終喺視后已經連續兩年唔頒俾親生女 + 賽果可以受到評審/內部同事左右既情況之下，再加上呢段言論係會得罪到班小氣高層，佢要二封視后，絕對唔係理所當然既事。我相信有雪亮眼睛既觀眾，都會知道佢今次喺《黑色月光》裡面演得幾出色同幾有層次，啲眼神同內心戲係超越埋《宮心計》裡面既麗妃。可惜，就係輸在關係，輸在唔識吹奏公司，唔識向高層埋堆。睇到唔少網民替佢感到不值，我就覺得安慰啦，何況，佢已經攞齊咗「演技大滿貫」(飛躍 + 配角 + 角色 + 主角)，亦都係唯一一位成功做到既演員(sorry, 龔嘉欣係冇攞過飛躍)，今次更係儲齊晒香港，星馬，大灣區既視后，佢既實力同表現，大家都有目共睹，無庸置疑。到今時今日15年後，唔少人仍然會回顧 姚金鈴 既名場面，教觀眾們津津樂道，呢件事就證明，獎項真係唔係大晒，no one will ever be as iconic as her in a villain role ❤️