20Jan 今朝起身諗起自己嘅生活慢慢冇咗你嘅蹤影又開始痛 我用咗therapist教我嘅self-soothing方法去安撫當刻好驚慌好痛嘅自己 好快我就冷靜返化妝返工 個腦終於冇好似尋日咁disconnect咗 個人終於實在返少少 返到公司有d嘢做下 有同事一齊傾下計 個人都少咗亂諗嘢 雖然我d同事唔知道我嘅事同狀態 但係都好感謝有佢地一齊吹下水 放工又有朋友陪食飯 今日嘅狀態都幾好 同朋友相處嘅時間都真係feel到開心 唔再係前幾日個種扮開心扮無野嘅感覺 今日我都留意到自己少咗諗復合/重新開始嘅問題 仲好似少咗再回憶同懷念我地之間嘅事 當唔去深究呢d問題同事情嘅時候 情緒都穩定咗好多 我覺得今日嘅自己真係好有進步 希望黎緊每日都可以咁穩定