抗癌日誌5） 手術後當晚，訓下醒下咁都算訓到，但第二朝仲未食得嘢，不過姑娘派藥俾咗粒消炎藥我叫我食，我就食啦，點知食完冇耐，就超級胃痛，係冇食嘢嘅情況下，個胃痛到抽筋，之後姑娘比咗胃藥我都搞唔掂，好記得兩個女放假，有嚟探我，但我都好快叫佢地返屋企，因為我真係好痛，唔想比佢哋見到，之後忍咗一日，姑娘叫我可以始食白粥，但係其實一啲胃口都冇，而且姑娘成日問住有冇放屁，但我又真係冇，最後食咗小小都食唔到幾多，但胃仍然好痛，諗住訓下，但完全係訓唔到，記住最後忍到半夜，撳鐘叫姑娘，話真係頂唔順，姑娘就幫我打咗支止痛針！終於可以瞓返幾個鐘！但係我就驚咗粒消炎藥！第三日努力起身落床，因為好想盡快出院，醫院張床瞓到腰骨好痛，因為腰位已經凹咗落去，最後20號晚手術，每日醫生巡房我都問有報告未，最25號報告一出，我就要求出院，最終醫生贊成，我就中午就出院，醫生亦幫我洗埋傷口，我順便叫姑娘幫我影張相，第一次見到自己傷口，真係幾震撼！之後出嚟院第一件事就係去Salon 洗頭，洗完頭個人先舒服啲，雖然全程行動好慢，但有得返屋企，幾痛都忍到！報告話我冇擴散，cancer只喺局限係子宮內膜搵到！