流水帳： 今個weekend煲爸狀態頗差，懷疑累積疲勞。 星期六上午佢me time同fd打完機，氣壓都仲係頗低，poker face on🃏 跟住對個仔啲發展問題又突然焦慮得勁左，簡直係前排嘅我🤪 （懷疑佢大姨夫到😂） 我能量都唔高，星期六晚個仔訓左之後佢本身想摟我二人世界睇下戲咁，但我頂唔順直接跟埋個仔訓死左😛 跟手佢嬲gg自己做左陣家務就都訓埋，然後仲發噩夢，話夢入面我都拒絕佢，仲威脅佢，一起身就嬲左我，話我唔氹吓佢🫢 星期日，我地就返教會啦，join查經小組啦，食越南粉啦，帶個仔去play house玩啦，買餸啦～ 我一直都覺得個人有啲攰，而煲爸又都好似一直無被治癒，尤其諗起第二日就要返工，就更加身心俱疲，Blue Monday is real🙂‍↔️ 夜晚求其塞個仔食左個白人餐，就即刻踢佢去訓覺😴 跟住兩公婆就一人兩個印尼撈麵，炸兩隻燶邊太陽蛋，沖左杯鮮奶茶，窩係梳化食我地嘅肥仔dinner～ 一邊食，一邊吹水，講下啲唔關我地事嘅花生（眾生相😛），都幾quality time🫶🏻 係同好朋友傾計嘅感覺，各有觀察&思考，又有共鳴，大原則又夾～ 最重要係佢肯陪我傾，並且佢都享受✌🏻