有啲人嘅窮困生活係自己攞嚟 假設兩公婆有手有腳非殘障起碼返到便利店或者M記 兩公婆返呢啲工月入3萬 養1個小朋友2個大人就差唔多 更加唔好講四老未瓜老襯嘅仲要留錢供養佢地睇醫生 偏偏呢啲基層就最鐘意生仔 成日有地盤意外交通意外個死者背景都係大同小異 死咗個家庭頂樑柱「好爸爸」 遺孀做咗5年以上家庭主婦甚至從來冇工作過 生咗2個或以上未夠12歲嘅小朋友 上電視上報紙哭訴冇咗個老公都唔知點生活冇咗份收入交唔到租 自己要照顧小朋友/ 老人家/ 已同勞動市場脱節blablabla冇工作能力時間 自己已經冇工作 嫁個老公又係高危行業（拿我唔係話坐office唔會猝死 不過地盤點都容易岀事啲） 咁都夠膽死做家庭主婦淨係識生仔同煮飯 完全冇諗過自己家庭嘅抗風險能力有幾低 1個人養4把口 就算老公冇瓜老襯 遇著拖糧減薪疾病失去勞動能力就只能借錢開飯拎綜援捱過呢段日子 慘啲甚至老公跟二奶走佬借埋大耳窿 阿媽加兩仔女拎綜援都唔知幫得幾多夠唔夠生活 如果老公返全職 兩公婆生一個小朋友 小朋友幾歲之後阿媽去樓下711惠康返兼職 仔女中學之後試下轉全職 咁個家庭抗風險能力都強啲起碼會多半份收入