話說近排D病毒真係好誇張，前晚食完夜飯返屋企本身都冇野，第二日早上本身打算早起出發去海洋公園，點知一起身就想嘔，本身以為冇乜野，諗住瞓多個鐘應該會好啲，點知越來越嚴重，嘔唔出，慢慢就開始頭痛、發冷、全身都好攰、攰到行出廳都好難、全日冇乜食過野，痾咗好幾次，全日星期日變咗躺平日，Grace隻貓AA超乖，知道我病，全日陪住我瞓，我起身佢又跟住起身，我行去邊佢跟到邊都係睇實我。 最緊要要多謝我每次嘅病痛救星，Grace返診所執藥比我，夜晚瞓前飲一包，早上返工前飲一包，就兩包中藥，今日已經好返晒，重好好精神！