躺著也中槍 笑 不過的確 我係唔識同人相處 我冇兄弟姊妹亦同啲表親戚完全唔熟 基本上成長就係得父母同阿婆阿公 所以我從來都唔明啲姊兄妹係點相處 細個試過去老豆朋友嘅大家庭聚會 真係毒撚一個，唔知點同佢地啲細路（我都係細路）相處，大個左就冇再去了 有時聽到啲人同佢地嘅表親戚好熟，我係理解唔到 因為對我嚟講佢地只係一個陌生人，見都冇點見過，更何況相處 我喺學校/工作上唔算冇朋友，但唔多 自問唔係一個喺朋友關係上好進取嘅人，似係得閒咪吹兩句見下面，覺得唔需要成日見面/傾計 可能係因為咁，我小學中學大學嘅朋友好多都係一畢業就冇點聯絡 佢地之間仲有聯絡嘅，但我係好奇怪地會自己distant左自己，然後慢慢消失喺個group入面 我覺得獨生的確係對我有啲影響嘅 因為我唯一可以同同非輩相處嘅機會就係返學/工 以前喺中小學都叫做因為環境因素令我學識基本社交，但到大學/職場真係靠自己，而且要面對嘅社交關係複雜好多 可能係因為咁愈嚟愈覺得社交好麻煩，就開始自閉，咩人都唔想見，淨係想自己一個 愈嚟愈覺得自己好kam，同個正常人傾計都好似好難咁