<特朗普 又 上任> 琴日先就職 即刻新鮮滾熱辣 簽署多項行政命令 1. 退出巴黎氣候協定 就係呼應將工業搬返美國境內 自供自給 減少對中國墨西哥嘅依賴 費事到時俾呢啲ESG政策阻住地球轉 2. 廢除新汽車其中一半為電動車嘅規定 點都要照顧住班美國車廠 爭取時間俾佢哋發展電車 雖然話同Elon好朋友 但係都唔可以俾Tesla一旗獨大 3. 取消北極鑽油上限範圍限制 就係對北極同埋格陵蘭俯視擔擔 等時機成熟 就用經濟手段霸咗個地區 掘石油 開採能源 收割資源 到時賺到笑 4. 退出世衛 即係同全世界講 所有中國嘅朋友都係美國嘅敵人 你唔幫我 唔洗旨意我課金俾你 資本家真係最鍾意用錢要脅人 但係唔好理 真係萬試萬寧 5. 推遲執行TikTok禁制令 咁大舊錢擺喺面前 梗係唔想就咁揼落鹹水海 最好就平平地收買咗佢 又可以大賺一筆 6. 取消聯邦政府人員WFH 老闆真係老闆 成世都未做過打工仔 梗係唔會有同理心 唔理你要喺屋企湊仔 定係搭兩個鐘車返工 佢要見到你係佢面前做嘢咁先叫返工 選個生意人去營運一個國家 好多嘢都好似好無情 但係冇所謂 因為一講到賺錢 全世界都會收聲