最近有又有個討論，作為lgbtq+ （對唔住個名越嚟越長原諒我簡稱）老是想出現嘅話題入面，一定有「come 唔come out / 點come out 」 。身邊有好多已come out 但因為另一半未come out 而被人櫃嘅人，因為唔適應櫃內生活導致關係出現問題 。 其實我諗同人come out 就有啲似家長幫你同老師講你係SEN, 然後因為你煞有介事咁認真、對方都要認真對待，突然變成件事好需要address 咁 。 生活上，我一直「咁啱講到」會好順便講「哦，我都係自閉症、係….」 或者「約咗女朋友」，可能因為我一個「好平常」嘅樣，從來冇人特別address 過我係A仔 或者les 哩樣嘢，最多係有好奇問吓我「即係點」或者講吓朋友/朋友仔女懷疑都係咁…  聽得最多就係「睇唔出」、「你唔似」，我都會講「一般人係唔會睇得出」 。 而其實自閉症同性取向，都只係會影響身邊最close 日對夜對嘅人，對於朋友、同事、甚至唔常見嘅親戚，其實真係唔影響到佢 ，所以「一般人睇唔出/唔受影響」 然後係我認真研究我講咗好多可能性之後，朋友們嘅總結竟然返轉頭，又有人講係樣/氣場嘅問題🫠